Sumarbústaður á Illugastöðum 
Félagið á einn sumarbústað (hús nr. 9) í sumarhúsabyggðinni á Illugastöðum í Fnjóskadal, en þar er rómuð aðstaða til orlofsdvalar. Bústaðurinn var byggður 2015/16 og er allur hinn glæsilegasti og er allt til alls í honum. Alls geta 8 gist í bústaðnum í einu. Haustið 2017 var lagður ljósleiðari í öll húsin á svæðinu. Í húsin er því komin þráðlaus nettengin og myndlykill frá Vodafone þar sem leigendur hafa aðgang að heilmikilli afþreyingu í gegnum Vodafone PLAY.
Á Illugastöðum er rekin þjónustumiðstöð yfir sumartímann. Þar er sundlaug, heitur pottur, minigolf og ýmislegt annað til að stytta stundirnar í sumarylnum. Illugastaðir eru líka frábærlega staðsettir gagnvart gönguferðum, stangveiði og skoðunarferðum um Þingeyjarsýslur og Eyjafjörð.
Bústaðurinn á Illugastöðum er til útleigu árið um kring. Tekið er á móti pöntunum vegna sumar - og vetrardvalar í bústaðnum á skrifstofu Sjómannafélags Eyjafjarðar. Einnig er hægt að panta og greiða fyrir leigu í gegn um félagavefinn sem er hér á forsíðu heimasíðunnar. Úthlutun fyrir sumarmánuðina þe. júní júlí og ágúst fer fram fyrstu dagana í maí, ár hvert, og sitja þeir fyrir í úthlutun sem ekki hafa dvalið í bústaðnum síðustu þrjú ár fyrir úthlutun.
Hér er hægt að sjá myndband úr bústaðnum
Nánar um bústaðinn :
1 rúm 160*200 cm
2 rúm 80*200 cm
1 koja einföld að ofan, tvíbreið að neðan
Sængur og koddar fyrir 7
Útvarp/CD
Sjónvarp
DVD
Örbylgjuofn
Gasgrill
Heitur pottur
Nettenging
Þvottavél
Þurrkari
Uppþvottavél
Vetur / Koma og brottför : Á mánudögum - fimmtudags á leigjandinn rétt á aða koma til dvalar í húsin á milli kl 15 og 21, á fimmtudögum milli kl 15 og 18 og á föstudögum milli kl 15 og 21. Húsið skal rýmt eigi síðar en kl 15 á brottfarardag. Ef leigjandi kemst ekki á tilgreindum komutíma þarf að láta umsjónarmann vita á símatíma milli kl 13 og 17, mánudaga - fimmtudags og kl. 13 til 21 á föstudögum.
Sumar / Koma og brottför : Orlofshúin eru leigð í viku í senn yfir sumartímann og skipt á föstudögum. Leigjandi á rétt á að koma til dvalar í húsið á milli kl 15 og 21. Húsið skal rýmt eigi síðar en kl 12 á brottfarardag. Ef leigjandi kemst ekki á tilgreindum komutíma þarf að láta umsjónarmann vita á símatíma milli kl 13 og 17, mánudaga - fimmtudags og kl. 13 til 21 á föstudögum.
Bannað er að reykja í húsunum og gæludýr eru stranglega bönnuð á svæðinu.
Lyklar:
Afhendast hjá umsjónarmanni á Illugastöðum gegn framvísun leigusamnings.
Helstu upplýsingar um aðstöðu í húsunum:
Rúmstæði fyrir 8 - Sængur fyrir 8 - Koddar fyrir 8 - Borðbúnaður fyrir 6-8
Sjónvarp - DVD
Gasgrill - Heitur Pottur
Barnarúm - Barnastóll er hægt að fá lánað í þjónustuhúsi.
Það sem fólk þarf sérstaklega að taka með sér er:
Lín í rúm og handklæði.
